Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол
Хэвлэлийн газар: Улсын хэвлэлийн газар
Манай Каслины мастеруудын баримал цутгахтай хэн ч эн зэрэгцэж чадахгүй байсан билээ. Ойр хавийн өчнөөн төчнөөн завод хаана нь ч хүрдэггүй байлаа.
Энэ нь бусад заводын эздийн санаанд нийцсэнгүй. Олонх эзэд Каслины мастеруудыг давах гээд чадаагүй юм.
Сагил дахь Демидовынхан бүр ч их нүд үзүүрлэж байжээ. Ойр хавьдаа хамгийн анхны завод хэр нь баримал цутгаж чадахгүй байна гэдэг үнэндээ тусгүй хэрэг. Гэвч тэдэнтэй нийлсэнгүй:
— Түрүүлье гэвэл амархан байна. Ашиг багатай болохоор хэрэггүй ажил юм гэж шалтаг заажээ.
Лысьвений Шуваловынхан бүр хөгөө тарьж билээ...
