Зохиолч: КОНСТАНТИН СИМОНОВ
Орчуулагч: М. Шатар
Ангилал: Түүх Оросын уран зохиол цэрэг дайны сэдэвт
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Москва дайсны гарт орж болох тийм эгзэг байсан бол тэр эгзэг аль хэдийн ард хоцорчээ. Москвагийн дэргэдэх ялна гэж хараахан бодоогүй байсан боловч ялагдах боломжид итгэхээ нэгэнт өнгөрсөн байлаа. Газар зүйгээр аваад үзвэл герман илүүтэй байгаа юм шиг санагдаж байв. Юу гэвэл тэд хэд хэдэн засмалаар Москвад зуугаас дотогш километр тулж иржээ. Германы танкнууд фронтыг сэт татан ганц хоёрхон хоногийн дотор энэ зайг туулан Москвагийн дэргэд хүрчхэж болох байсан дайны эхний үеийн тооцоо эдүгээ хүчин төгөлдөр байхаа нэгэнт больсон байлаа. Танкнууд фронт сэтэлж болохоос гадна үүгээр түүгээр сэтэлсээр байсан хэр нь гурав, тав, долоо дахь километр дээр нь яаж ийгээд зогсоосоор л байлаа. Урьдын тэр аймшигтай тооцоогүйгээр ганцхан газар зүй сэтгэл унагааж чадахаа нэгэнт өнгөрсөн байлаа...
