Зохиолч: Артур Конан Дойл
Орчуулагч: Д. Дашдондог
Ангилал: Британийн уран зохиол Адал явдалт
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Цэнхэр дугтуйтай захидлын хэрэг өнгөрөөд удаж байгаа, мөн холбогдох хүмүүс нь уул эрх тушаалаасаа халагдаж нэгэнт амжсан боловч олон тооны нарийн зүйлүүдийн тухай бид дуугүй байх ёстой байсан нь мэдээж юм.
Оныг нь заалгүйгээр хэлбэл, энэ нь намар цаг нэгэн Даваа гарагт болсон юм. Бэкер-стритэд байдаг манай ядуухан байранд Европ даяар нэрд гарсан хоёр хүн хүрч ирлээ. Энэ хоёр эрхмийн нэг нь ширүүн дүртэй хажуу талаас нь харахад бүргэд шинжтэй бөгөөд догшин хурц нүдтэй байр төрх нь захирч сурсан төлөв бүхий аж. Энэ бол хоёр ч удаа ерөнхий сайдын хэргэм эдэлж явсан, алдарт лорд Беллингер бил ээ. Түүнийг дагалдан яваа хусмал нүүртэй ганган дэгжин залуу нь гадаад явдлын яамны сайд Трелоней-Гопп юм.
Манай зочид олбогт вандан дээр сууцгаалаа. Энэ улсын тайван биш бөгөөд ядарсан царайг нь үзвэл чухал хэрэгтэй ирсэн болох нь илхэн...
