Зохиолч: Рэй Брэдбери
Орчуулагч: Н. Цэвэгмид
Ангилал: Америк уран зохиол уран зөгнөл
Хэвлэлийн газар: БНМАУ-ын Ардын боловсролын яамны хэвлэл
үнэхээр нүд гялбуулсан үд дундын нар өөд нисэж явлаа. Энэ аугаа их Сахарт очих гэж бэлтгэхдээ тэд хоёр мянган лонх жимсний исгэлэн ус, гялгар бөглөөтэй мянган лонх шар айргийг хэчнээн баясан ачсан бил ээ!
Тэд ийнхүү буцламгай халуун бөмбөлөг рүү нисэж явахдаа шүлэг, эшлэлийг дурсацгааж явав.
— «Нарны алтан алимууд» гэдэг чинь хэн бил ээ?
— Иетс
— "Нарны халуунаас битгий ай" гэдэг чинь хэн бил ээ?
— Шекспир байхгүй юу!
— "Аяга дүүрэн алт" гэдэг чинь Стенбек байх аа? «Домбо дүүрэн алт» гэдэг чинь Стефенс байх аа? Солонгын хормойд байдаг ваартай алт гэдгийг санацгааж байна уу? Чөтгөр ав гэж манай тойрог замын нэр «Солонго» шүү дээ!
— Халуун ямар байна?
— Цельсийн дөрвөн зуун градус!..
