Зохиолч: Мухаммед Диб
Орчуулагч: Боржигин Батмөнхийн Энэбиш
Ангилал: Гадаадын уран зохиол
Хэвлэлийн газар: Улсын хэвлэлийн газар
Омар эхийгээ ирэхийг хүлээн өрөөлийн үүдээр эргэлдэж тэдний дугуй ширээгээ засахыг шохоорхоно. Зарим хөрш нь түүнийг заримдаа дуудан оруулж аар саар идэх юм өгнө. Гэвч тэр голдуу өгснийг нь авалгүй ичиж, эргэж гүйнэ.
Айни яваад дөрөв хоносон боловч эргэж ирсэнгүй, хүүхдүүд нь эхийгээ хүлээн өнөөдөр ирэхгүй нь, харин маргааш ирнэ байх гэж горьдоно. Эх нь явснаас хойш цаг, өдөр өнгөрөхгүй, аймшигтай удах мэт болжээ. Хүүхдүүд заримдаа үг дуугаралгүй удтал сууна...
