Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: Улсын хэвлэлийн газар
Тихон Петрович бол нуруу намхан, мөр бөгтөр, дэндүү хөгшин, хонхоор ангид амжиж ирэхийн тулд завсарлагааны дундуур багш нарын контороос гарч гэлдэрнэ. Хөлөө дөнгөн данган зөөж тавих бөгөөд шатны гишгэм бүхэнд гурав алхдаг байлаа. Тэр бээр хошмогтой сюртук, дороо нугалаагүй судалт өмд, хуучин генерал шаахай өмсөж, ирмэг нь сэмэрсэн хар торгон зангиа хүзүүндээ зангиддаг байлаа. Нүдний нь хараа хэвээрээ, шил ч зүүхгүй, тэгсэн мөртөө сурагчдаа ялгаж мэдэхгүй, гудамжинд уулзаад ч танихгүй. Хагас зуун жил багшилж нэгэнт тогтсон хоолой нь чанга тод сонстох боловч хааяа бас чамин аялга оруулж ярих нь бий.
Насны туйлдлаас болж...
