Зохиолч: Эмилиян Станев
Орчуулагч: Б. Жамъянбаатар
Ангилал: Гадаадын уран зохиол
Хэвлэлийн газар: Улсын хэвлэлийн газар
Сэрүүн хэвтэж байхдаа хуягийг хувингаараа цохиод дөрөв, таван зуун метрийн зайтай байгаа аврах ганц найдвар болсон эрдэнэ шишийн цайвар ногоон зурвас руу хар хүчээрээ гүйнэ гэж маргаашийнхаа төлөвлөгөөг дотроо бодов.
Ийнхүү дүрслэн бодох тутам сэтгэл нь оволзож, булчин шөрмөс нь хөвчрөн, яг л энэ мөчид буун дуу тасхийж үхлийн сум араас нь шунгинаж байх шиг санагдана.
Хавчиг өрөөний модон вандан дээр гэдрэгээ харж хэвтээд, аалзны шүлсээр хэрэгдсэн чийдэнгийн шил дүүжлээтэй таазны зүг ширтэн байхдаа олон удаа энэ төлөвлөгөөгөө нарийвчлан бодсон билээ. Нарийвчлан бодох тутам л хялбархан хийнэ гэж өөрийгөө итгүүлэв. Одоо хамгийн гол нь цагаа зөв хуваарилж, минут бүрийг нарийн тооцоолоод, хөлийн хурддаа л найдах үлдээд байв...
