Зохиолч: Й. Авижюс
Орчуулагч: С. Лочин
Ангилал: Гадаадын уран зохиол
Хэвлэлийн газар: Улсын хэвлэлийн газар
Хот дайнд дөнгөж л өртөж хэдхэн байшин гэмтэж, харин галт тэрэгний буудлыг нь юу ч үгүй бөмбөгджээ. Байшингийн хананд түрэмгийлэн эзэлсэн засгийн тушаалууд алаглан, дорно дахины бүдүүлгүүдийг устгах их германы ард түмний түүхэн үүргийг магтан дуулсан зурагт хуудас хааяа тааралдана. Энэ нь хоосон үг биш бөгөөд гуравдугаар рейхийн цагаан дугуй дотор хар хас тэмдэг бүхий цусан улаан далбаа бүхий комендантын газрын гурван давхар байшингийн өмнүүр зэвсэгтэй харуул алхана. Тэр бээр хөлсөө гоожуулан өдөр дундын нарыг болон түүнийхээ хамтад энэ байлдан эзэлсэн хязгаарын өчүүхэн хүмүүсийг үзэн ядах мэтээр цээж болон нүүрээ наран сөрөг өдсөн маягаар харууллаа. Кино театр Францыг ялсан тухай баримтат кино үзэхийг урин дуудна. Үзэсгэлэнгийн цонхыг дайны байдлаас харуулсан зургаар эрээлж мяраалжээ. Байлдан эзэлсэн орныхоо галд дүрэлзэх хотоор ялагдашгүй Герман алхана. Түүнд баяр хүргэн, тал засан инээж түүний тахтай гутлын улан дор дайсны ялагдсан цэргүүд өвдөг сөгдөж, бузардуулсан туг нь хөглөрнө. «Deutschland. Deutschland üder alles» (Герман, Герман, бүхнээс илүү!)
Бүх дэлхийн байлдан эзлэлт эхэлж байна гэж үү?..
