Мэл шар тал гэнэ
Шижрийн өнгөтэй хөндий гэнэ
Дөрвөн уулын чиглэл гэнэ
Дөрвөн далайн хөвөө гэнэ.
Уул бүхэн нь амтай
Ам бүхэн нь рашаантай
Дөрвөн уулын чиглэлээр
Дөрвөн далайн хөвөөгөөр
Нутагланхан суудаг
Агайн улаан хааны
Суудаг өргөө нь бол
Майгуур зандан тулгууртай
Шилэн эрдэнэ тоонотой
Сувд эрдэнэ уньтай
Шүрэн эрдэнэ ханатай
Цас мөнгөн туургатай
Цалин мөнгөн цавагтай
Шижир алтан дээвэртэй
Сийлбэр алтан ганжиртай
Өргөө нэгэн байдаг санж...
