Зохиолч: Д. Цэвэгмид
Орчуулагч:
Ангилал: Монголын уран зохиол
Хэвлэлийн газар: Улсын хэвлэлийн газар
Алтай Хангайн хязгаарт
Аялан явахын зуур
Тохиолдсон нэгэн учралыг
Тодорхойлон энд шүлэглэе
Алсын өрнөд хаяанд
Алтайн цаст орой
Хөх тэнгэрийн чимэг
Хөвөн цагаан үүлс шиг
Үүлэн цагаан дүрстэй
Ихийн их уул байна
Үүрийн цолмон өнгөтэй
Тодын тод оргил байна
Одон саруул оргилыг
Онцын тэмдэг болгож,
Наран шингэх зүгийн
Нарийхан хавцлыг зүглэв...
