Уншигч олноо хэвлэн толилуулж буй Ж. Лондоны энэ «Саран хөндий» гэдэг роман зохиогчийн бүтээлд томхон суурь эзэлдэг юм.
Энэ роман эгэл ажилчин Билл, Саксон хоёрын хайр сэтгэл, тэр хоёрын туулсан бэрх амьдрал, хүсэл мөрөөдлийг уншигчдын дур сонирхлыг бүрэн татаж чадахаар зохиомжлон өгүүлэхдээ амьдралын чин үнэнээс огт гажсангүй ажээ. Үүний хамт зохиолч маань өөрийн үзэл санаа бодлыг баатруудынхаа үг яриагаар гайхам сайхан, хурц тод өгүүлнэ.
Ж. Лондон дорд ангийн гаралтай бөгөөд зовсон олон түмний гашуун амьдралыг өрөвддөг хүнлэг сэтгэлтэй хүн байжээ...
Энэ романы гол үйл явдал нь дээр дурдсанчлан эгэл ажилчин эр эм, хос залуугийн хөршгүй хайр сэтгэл хэрхэн амьдралын түмэн бэрхшээл туулж ялагчаар гараад сайн сайхан аж төрж болохыг зурагласанд оршино. Хөрөнгөтөн нийгмийн эхэн үеийн нөхцөлд тийм амьдралыг тэр нийгмийн хамаг шившиг бузар булай явдал шүглэсэн мэт хотод зохиож болохгүй, харин түүнийг орхиод байгалийн зэлүүд хөдөө нутагт зохиож болох юм гэсэн санааг зохиолч маань үндэс болгосон юм.
Орчуулагч Д. Лхамжав
