...Би ч өөрийгөө хорлоё гэж шийдлээ. Гэвч сайн юмгүйгээр муу юм байдаггүй. Энэ охиныг зочилсны ачаар л манайхан цөмөөрөө юмыг бодох сөхөөтэй болцгоож билээ.
Одоо эхнэр минь ялзарсан хаймар худалдагчийнд зарц, охин минь тоног сэлбэгийн худалдаачныд шивэгчин, хүү минь хөвөн нийлүүлэх газрын мухлагт тус тус ажилладаг болов. Харин миний тухайд гэвэл... намайг ядаж зарцаар ч авах хүн олддоггүй ээ. Гэвч манай гал голомтынхон цөмөөрөө өрх гэрийн ууган тэргүүлэгчийн минь хувьд намайг хайрлан тэтгэж асрах болов... Ийнхүү бид өөрсдийгөө аргалахын зэрэгцээгээр бас ч үгүй банканд мөнгө хуримтлуулдаг болсон гээч!
