Зохиолч: Л. Н. Толстой
Орчуулагч: Б. Гонгоржав
Ангилал: Оросын уран зохиол
Хэвлэлийн газар: Улсын хэвлэлийн газар
1851 оны эцэс байлаа.
Арван нэгдүгээр сарын нэгэн үдэш Хажи-Муратын бие сайхан үнэртэй аргалын утаа анхилсан Махкет хэмээх нэгэн Чечень үндэстний аул (тосгон)-д хүрч ирэв. Энэхүү аул оросын мэдэлд ороогүй бөгөөд оросын эзэмшсэн газраас хориод модны зайтай оршино.
Энэхүү Хажи-Мурат бол Шамиль вангийн харьяа нэгэн хошууны алдар гавьяатай болсон захирагч ноён бөгөөд өөрийн дарцаг тэмдгийг авч дэргэдүүр нь бараа болон давхилдах хэдэн арван дагалдах хүмүүсгүйгээр юманд явдаггүй байжээ. Одоо энэ хүн юүдэн малгай өмсөж, эсгий нөмрөг нөмөрсөн агаад, нөмрөгийн нь дороос винтов буу ёрдойж ганц дагалдантай, аль болохоор бусдад эс анхаарагдахыг хичээн, замаар дайралдах хүмүүсийг хурц нүдээрээ сэрэмжлэн ширтэж явах ажээ...
