Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол
Хэвлэлийн газар: Улсын хэвлэлийн газар
Тагил, Невьянскаар нутагладаг манай өвөг дээдэс нэгэн зүйл нууц мэддэг байжээ. Төмөр эдлэлд хээ тавих энэ ур онц хэрэгтэй биш ч гэсэн гэр ахуйд хэрэглэхэд чамин зүйл байсан юм.
Хийж суухад сонирхолтой, алдагдалгүй, харин ч олз омогтой ажил билээ. Үнэ хямд ч гэсэн гүйлгээтэй бөгөөд тэр нууцыг мэддэг хүн ховор байжээ. Тагил, Невьянскт аль алинд нь арваад өрх айл ийм ажил эрхэлж, муугүй аж төрдөг байлаа.
Хийхэд ядах юмгүй, хоол зөөдөг төмөр тавиур дээр дуртай юмаа зурж, эсвэл номын зураг хайчилж наагаад, чий татаж хатаана. Хатсан хойно нь үзэхэд зураг нэвт харагдах бөгөөд төмрийг цутгахдаа гаргасан хээ мэт санагдана. Хараад ийм хээ яаж гаргасны учрыг олж эс чадна. Түрхсэн чий халааж хөргөх аль алинд нь ховхорч унахгүй, бөх байдаг...
