Зохиолч: М. Зощенко
Орчуулагч: Б. Пүрэвбаатар
Ангилал: Түүх Оросын уран зохиол Шог хошин
Хэвлэлийн газар: Улсын хэвлэлийн газар
Мөнгөний тухай түүхийн хүүрнэл ийм байна. Аймшигтай хорон явдал, ялт хэрэг, алаан талааныг өгүүлж байна. Бүхэл бүтэн ард түмэн сөнөснийг, бузар зальхай өөдгүй шаарнууд магтуулан өргөмжлөгдсөнийг, мөнгө гэгч юмнаас хүмүүст үзүүлсэн том жижиг доргионуудыг түүх хүүрнэж байна.
Тэгээд ч бид, өршөөгөөрэй, одоо энэ бүхэн, хуучин байсан шигээ байхгүй гэдэгт итгэхгүй л байна. Яг л хуучин шигээ юм болж байгаа гэж бодож байна...
Тэгээд л түүхийг хичээнгүйлэн анхаарч уншаад бид, бүр ингэж хуваагаад байхад ч сайн нь хэтэрхий бага, харин муу нь хаана л бол хаана зэгсэн их байсныг ажигласан юм.
Тэгээд бид энэхүү муу нь бүр мөнгөнөөс ч биш, харин гайхалтай систем буюу чухамдаа гэвэл мөнгө гэгч зүйл дамжих ёстой тэр гарт бус өөр гарт л хуваарилагдсанд байжээ гэдэг даруухан саналд хүрээд байна...
