Зохиолч: Ардын аман зохиол
Ангилал: Аман зохиол Монголын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Монголын Убаши Хун тайж, уулын хар барс болсон Урианхайн сайн Мажиг хоёулаа Хангайн Хар булгаас харь Дөрвөн Ойрадыг дайлъя гэж найман түмэн цэрэг мордож ирэхдээ Налах үхрийн даваа давж, Нал-Хар Бөрөгт, Найман түмэн цэрэг хүрч ирж, Дөрвөн Ойрадын нутагт дөрвөн анги туршуул тавьж олж ялаад, Монголын Убаши Хун тайж сайн муу, дунд гурвуул чуулган чуулаад Урианхайн сайн Мажиг эхлэн олон сайдуудад Убаши Хун тайж зарлиг болов,
— За, залуус сонсогтун. Дөрвөн Ойрадын зан нь нутагтаа ирсэн дайсанд холч морь хоточ нохой мэт тарамдаж үл олддог биш үү. Дөрвөн Ойрадад хэлүүлээд харивал ямар вэ? Та залуус минь, санасан санаа энэ байна. Үүнийг зөвшөөрвөл харья буруушаавал явъя гэж хэлэв...
