Зохиолч: Эрнест Сетон Томпсон
Орчуулагч: Б. Ринчен
Ангилал: Гадаадын уран зохиол Адал явдалт
Хэвлэлийн газар:
Нэгэн бяцхан хоточ шар нохойг Вулли хэмээн дуудна. Угтаа хоточ шар нохой, шар үстэй байх нь албагүй. Хоточ нохой гэгчийг заяаж тавихад шар өнгө дэмий л их сүйтгэсэнгүй аж. Шар нохой гэгч угтаа бэсрэг нохой буюу чухам нарийвчилбал бэсрэг бүхний нийлбэр болно. Тиймийн тул, нохой төрөлхтний хамаг угсаа үүлдэр цөм шар нохойд нийлсэн бөгөөд шар нохой хэмээгч нохой бүгдийн хоршлого мөн боловч нарийндаа ямар ч нохойн угсаанд хамаагүй. Чингэтэл, шар нохой хэмээгч заяанаас бүх нохойн аймгийн дээд эртний өвөг шарнуудыг дахин босгох хэмээсэн туршлага болох тул, бусад сайн язгууртан нохдоос өндөр эртний төрөлт амьтан хэмээвэл болно...
