Зохиолч: В. Г. БЕЛИНСКИЙ
Орчуулагч: А. ШАРХҮҮ
Ангилал: Оросын уран зохиол Шүүмж
Хэвлэлийн газар: Улсын хэвлэлийн газар
Тийм ээ, би таныг хайрлаж хүндэлж явсан юм. Тэгэхдээ бүр эх оронтойгоо мах цусны холбоотой хүн, эх орныхоо итгэл найдвар, нэр төр, алдар хүнд нь болж, түүний ухамсрын өсөлт, хөгжил дэвшлийн зам дахь аугаа их удирдагчдынх нь нэг болох хүнийг хайрладаг ёсоор сэтгэлийн гүнээс хайрлаж, хүндэлж явсан юм. Сэтгэлийн тэнцвэрээ түр алдаж, ингэж хайрлагдаж хүндлүүлэх эрх дархаа алдаж байсан ч гэлээ, Та бол аргагүй л хүндлүүлэх ёстой хүн. Би өөрийнхөө энэ хайр хүндэтгэлийг аугаа их хүний суу билгийн шан харамж болгох гэсэндээ биш, харин Та, бид хоёрын хэн маань ч олонхыг нь олж хараагүйн дээр, Таныг хэзээ ч үзээгүй олон хүний саналыг төлөөлж байгаагийн хувьд би үүнийг хэлж байгаа юм шүү...
