Зохиолч: Артур Конан Дойл
Орчуулагч: Д. Дашдондог
Ангилал: Британийн уран зохиол Адал явдалт
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Профессор Мормэртийн эцэс болсон цагаас хойш Лондон хот маань эрүүгийн хэргийн мөрдөх мэргэжилтэй хүнд онц сонин биш хот болж дээ гэж Шерлок Холмс надад нэг удаа хэлж билээ.
— Энэ тухай харамсаж болохуйц олигтой хүмүүс тийм олон байхгүй гэж би бодож байна.
— Таны хэлдэг зөв. Би үүнийг зөвхөн өөрийнхөө үзлээр үздэг юм гээд Шерлок Холмс дөнгөж сая бидний цай ууж байсан ширээний тэндээс сандлаа холдуулж: ― Энэ хүний үхсэн явдал нийтэд хожоотой болсон нь гарцаагүй, харин жаал зугаа битүү хэрэг мөрдөн шинжилдэг ядуу мэргэжилтэн л алдсан юм. Мормэртийн ажиллан амьдарч байсан тэр цагт миний тухайд өглөөний сонинуудад онцлог явдлууд дүүрэн байдаг сан...
