Зохиолч: Рэй Брэдбери
Орчуулагч: Н. Цэвэгмид
Ангилал: уран зөгнөл Америк уран зохиол
Хэвлэлийн газар: БНМАУ-ын Ардын боловсролын яамны хэвлэл
— Би Улаан нүдэнд итгэдэг, гэж яриагаа намуухан эхлээд, — Нэг л өдөр манайх болно гэж би итгэдэг юм. Бид түүнийг номхотгон хүн амьтан тогтдог болгоно. Бид эндээс ховхрохгүй болно. Энд ирснээс хойш нэг жилийн дараа надад нэг бодол төрсөн юм. «Яах гэж ирсэн бил ээ?» гэж. Ирэхгүй байж болсонгүй. Энэ бол яргай загасны жил бүрийн гүйдэлтэй адилхан хэрэг. Тэр яах гэж тэгж байгаагаа мэдэхгүй байж тодорхой газрыг зорьдог. Тэр үл ойлгох авч голын урсгал сөрж боргио хүртэл явдаг бөгөөд тэнд очиж шинэ амьдрал эхэлж өгөөд өөрөө үхдэг билээ. Дараа жил нь бас л ийм явдал давтагдана. Энэ явдлыг удамшлын ой той гэнэ үү? Зөн гэнэ үү? юу л гэнэ, ямар ч гэсэн тохиолдож байдаг явдал. Тэгээд бид энд ирсэн...
