Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Гэнэт моддын дундуур чөлөө үзэгдэн манан цэнхэр тэнгэр харагдав. Ой шингэрч нар ээсэн талбарт цасны олон одод асаж унтран, асаж унтран нүд гялбуулна.
Ойрын бут тойроод эргэтэл модод тал бүр тийшээ зай тавин ухраад голд нь цогчин сүм мэт эрхэмсэг сүртэй ганцхан царс цасан цагаан өмсгөлдөө гялбалзан угтав. Доод талын нь мөчрүүд ойн цоорхой дээр асар майхан шиг нэвсийн тэлээд гурван тэврийн бүдүүн говор нь холтсон завсраар цас чихээстэй, мөнгөн утсаар зүү ороосон мэт үзэгдэнэ. Намрын хатсан навч бараг унасангүй, оройгоо хүртэл цасан бүрхүүлт навчаар чимэглэгдсэн ажээ.
— За нөгөө өвлийн царс гэдэг маань энэ дээ хэмээн Савушкин хашхирлаа...
