Зохиолч: Ардын аман зохиол
Орчуулагч: С. ЦЭРЭНБАЛТАВ С. Гантөмөр
Ангилал: Үлгэр, домог Аман зохиол Хүүхдийн уран зохиол
Хэвлэлийн газар: Тодорхойгүй
Эрт дээр үед нэгэн загасчин гурван хүүхэд, гэргийн хамт аж төрөн суудаг байжээ. Тэр загасчин өдөржин загас барьж орой нь зарж, талх мах худалдан авч гэртээ авчирдаг байлаа. Тэгэхдээ өдөр бүр тороо гурван удаа л хаядаг байжээ.
Нэгэн өглөө тэр бээр тороо мөрөн дээрээ тохож, сагсаа барин загас барихаар явжээ. Сагсаа эрэг дээр тавиад ханцуйгаа шамлан тороо тэнгист аль болохоор хол шиджээ. Тороо усанд далд орохоор нь загасчин болгоомжтой буцаан татвал нэгэн хүнд зүйл орсон байхыг мэдэж гэнэ.
«Торонд маань их олон загас орж дээ» гэж загасчин бодоод тороо эрэг өөд гарган иртэл торонд нь...
