Бүрэнханы Доржпаламын Чойжил
1926 онд Сэлэнгэ аймгийн Баруунбүрэн суманд төрсөн.
Бага, бүрэн бус дунд, Багшийн сургуульд (1936-1944 онд) суралцаж төгссөн.
Дунд сургуульд багш, Гэгээрлийн яаманд машины бичээч, “Үнэн" сонин, “МОНЦАМЭ” агентлаг, “Энхтайван социализмын асуудал” сэтгүүл, Москвагийн радиогийн Монгол нэвтрүүлгийн хэлтэс, оросын “Прогресс” хэвлэлийн газар, МАХН-ын Нийгмийн ухааны институтэд орчуулагчийн ажлыг 1944-1991 он хүртэл хийж байгаад тэтгэвэрт гарсан.
Хөдөлмөрийн гавьяаны одон, Алтан гадас одон, Хөдөлмөрийн хүндэт медаль, Ардын хувьсгалын 40, 50, 60, 70, 80 жилийн ойн медалиар шагнагдсан.
1973 оны 10-р сард Монгол Улсын Соёлын гавьяат зүтгэлтэн цол хүртсэн.
Д.Чойжил "Орчуулагчийн жаргал, зовлон" 2005, номоос
